629

Olurlar şukadar ki mes'ûliyet-i asliye îtibâriyle emniyet-i umûmiye ve husûsiye-ye
müretteb olan kâffe-i tedâbîr-i muvakkatenin ittihâz ve icrâsına ve ol hâlde ale'l-acele
lüzûmu tahakkuk edecek masârifin onuncu maddede münderic olan takyîdâtın
hâricinde ve kendi mes'ûliyetleri tahtında olarak heman îfâsına me'zûn olub
fakat keyfiyeti bu tarafa derhâl bildireceklerdir.

On dördüncü madde: Bir vilâyetin âsâyişini ihlâl edecek hâdisât ve harekâtda
asâkir-i zabtiyenin iktidârları dâiresinden hâric olan kuvve-i vâkıa içün
efrâd-ı nizâmiye istihdâmı taht-ı mecbûriyetde göründüğü hâlde vâlî tarafından
esbâb-ı mecbûriyetin beyâniyle asâkir-i nizâmiyenin en büyük zâbitine bir sened-i resmî
îtâ olundukdan sonra kuvve-i muktaziye-i askeriye sevk ve istihdâm kılınır.

( Kısım-ı Hâmis )
( Vâlîlerin umûr-ı cezâiye ve hukûkıye icrââtında vezâifi )

On beşinci madde: Âsâyiş-i umûmî veyâ husûsîyi ihlâl eden eşhâs
hakkında kânûnen hükme salâhiyeti olan mahkeme tarafından bir hükm-i kânûnî lâhik
olub da mehâzîr-i mülkiye ve mahsûsadan fevka'l-âde bir hâl sebebiyle Bâb-ı Âlî'den
istîzâna ta'lîkinde mahzûr görünür ise o hükmün vâlîler tarafından icrâsı
câizdir fakat esbâb-ı mûcibesini derhâl Bâb-ı Âlî'ye arz etmek lâzımdır.

On altıncı madde: Merkez-i vilâyet mehâkiminin mevâdd-ı cezâiye ve hukûkıyeye dâir
verdikleri i'lâmâtdan usûl-i muhâkemenin ta'yîn eylediği kavâide göre
Dersaâdet'e mürâcaati îcâb etmeyenleri vâlîler tarafından icrâ olunur.

( Fasl-ı Sânî )
( Vâlî muâvinlerinin vezâifi )

On yedinci madde: Vilâyetin hükûmet-i icrâiye-i umûmiyesine muâvenet etmek
vazîfesi vâlî muâvinine âiddir işbu vezâif vâlînin fasl-ı evvelde münderic
vezâifinden ta'yîn ve irâe edeceği her nevi husûsâta muâvenet etmek ve devâir-i
vilâyetden vâlîye gelecek muharrerâtın ve vâlînin me'zûn edeceği sâir mekâtîb