513

Kırk dördüncü madde: Binasına hod-be-hod tevsi' veya istikamet levhası vaz' eden kimseden beş mecidiye altını cezay-ı nakdî ahz olunacaktır.

Kırk beşinci madde: İşbu nizamnamenin neşr ve ilanından soñra buña mugayir olarak vukua gelecek hareketleriñ vukuuyla zahire ihracı beyninde mürur eden zaman her ne kadar olur ise olsun ebniye müfettişleri ve mühendisler ve ebniye ve turuk-ı amme memurları taraflarından canib-i hükümete ihbar olunacaktır.

Kırk altıncı madde: Hilaf-ı nizam olarak vukubulan hareketler Dersaadet'de ise Ebniye Meclisi bir divan-ı muhakeme şekline girerek orada ve daire-i belediye olan yerlerde veyahud sair şehir ve kasabatda daire-i belediyeniñ veyahud mahalli meclisiñ üç nefer azasından mürekkeb bir divanda rüyet ve hükm olunacak ve bu aza Dersaadet'de Ticaret Nezaret-i Celilesi canibinden ve taşralarda vülat ve mutasarrıfîn ve kaymakamlar tarafından tayin kılınacaktır (*)

Ve böyle hilaf-ı nizam hareketle müttehem olanlarıñ kangı gün muhakeme olunacakları kendilerine öyle haber verilecektir. Ve bu divanlarıñ hükm ve kararı kat'i olub heman icra etdirilecek ve bunuñ içün bir gûne harc alınmayacaktır.

( Nasb olunacak muhamminlere dair )

Kırk yedinci madde: İşbu nizamnamede zikr olunan ba'zı maddeleriñ keşf ve tahminiçün tarafeynden nasb olunacak muhamminleriñ masarifi hükümet ile ashab-ı emlak taraflarından nısfiyyet üzere tesviye olunacak ve kendisine aid olan akçeden dolayı bir muhammin ile hükümet ve sahib-i mülk beyninde ihtilaf vukua geldiği halde maslahat kırk altıncı maddede zikr olunan divanlar marifetiyle fasl ve rüyet olunacaktır.

( Hatime )

Kırk sekizinci madde: İşbu nizamname İstanbul ve Bilad-ı Selase'de ve şehirlerde ve büyücek kasabalarda mer'iyyü'l-icra olacakdır. Daire-i belediye yahud liva meclisleri taraflarından esbab beyanıyla istida vukuunda ba'zı mahallat yahud...

(*) Hükmü tağyir etmişdir
65